Nakapreparar na an Department of Transportation (DOTr) asin Land Transportation Franchising and Regulatory Board (LTFRB) na iheras an fuel subsidy para sa mga driver asin operator kan pampublikong lunadan.
Sigun ki Transportation Secretary Vince Dizon, bakong requirement an pagigin parte kan consolidated group tanganing makaresebir kan nasambitan ng ayuda.
Obheto soboot kan gobyerno na gibuhong inklusibo an programa huli ta gabos sa sektor kan transportasyon apektado kan paglangkaw kan presyo kan langis – maski sinda consolidated o bako.
Presenteng nakikipag-koordinar an DOTr asin LTFRB sa manlaen-laen na ahensiya kan gobyerno siring kan Department of Energy (DOE), Department of the Interior and Local Government (DILG), Department of Information and Communications Technology (DICT), asin LandBank of the Philippines (LBP) tanganing maparekas an proseso kan pagheras nin tabang.
Sigun sa direktiba kan gobyerno, kaipuhan na tulos maiheras an subsidiya asin piglalaomang maisasakatupadan ini sa orog na marekas na panahon.
