Bahagyag nagbaba an numero kan mga barko kan China sa mga islang nasasakupan kan nasyon sa West Philippine Sea (WPS).
Basado sa datos kan Philippine Navy, 178 na mga Chinese vessels an na-monitor puon September 24 hasta 30, 2024.
Mas hababa ini sa record high na 251 na mga barko na nanutaran sa WPS puon September 17-23, 2024. Pinakadakol sa nanutaran an Chinese Maritime Militia vessels sa 131.
Nasa 17 People’s Liberation Army Navy vessels man an na-monitor sa Bajo de Masinloc, Ayungin shoal, Pag-asa Islands, Parola Islands, Likas Islands, Lawak Islands, Panata Islands, Rizal Reef, Sabina Shoal, asin Iroquois Reef.
Mientrastanto, 26 na Chinese Coast Guard vessels man an nanutaran sa mga islang pig-ookupar kan nasyon sa WPS. Igwa man nin duwang Chinese Research and Survey vessels an na-monitor sa Bajo de Masinloc.
Sinaysay man ni Armed Forces of the Philippines (AFP) Spokesperson Col. Francel Maragareth Padilla na an maraot na kamogtakan kan panahon asin pirng operational adjustments an kawsa sa bahagyang pagbaba kan numero kan mga barko kan China sa WPS.
