NAGA CITY- Piglalaoman na mas malangkaw pa an basurang mahahakot kan solid waste management office katakod kan mga aktibidades sa kapistahan kan Inang peñafrancia.
Sigun ki Engr. Joel Martin, Head kan Solid Waste Management Office Naga, nagpakol sa 191 na sako kan basura an saindang nahakot kan nakalihis na traslacion procession na igwang estimated devotees na lampas 800-K.
Katakod kaini piglalaoman na madudugangan pa an numero kan mga makokolektar na basura na mapakol sa 190 o 200 kada aldaw sa petsa 19 asin 20 kun saen iyo an highlight kan kafiestahan ni Ina Peñafrancia.
Dugang pa ni Engr. Joel Martin makakairibahan man ninda sa operasyon an mga nagkapirang volunteers gikan sa manlaen-laen sa eskwelahan siring kan CBSCUA, Nueva Caceres, Naga College Foundation, asin man an Canaman National Highchool, kun sain nagpapagian man ini kan saindang trabaho.
Mantang pigtatawan man nin abiso an publiko na magin disiplinado asin tabangan sinda sa pagmantinir kan kalinigan sa bilog na siyudad orog na sa Naga River para sa ikukundusir na fluvial procession sa petsa 20.
