NAGA CITY – Ikinamundo kan mga fans asin mga Bicolano an pagkagadan kan kababayan asin beteranong aktor na si Eddie Garcia.
Apwera digdi, nagpaabot man nin pakikidumamay an Ako Bicol Partylist sa nabayaang pamilya kan aktor.
Sa entrevista kan Bombo Radyo Naga ki Rep. Alfredo ‘Pido’ Garbin, sinaysay kaini na labi nindang ikinamundo makalihis maaraman na dagos nang namaaram sa kinaban si Garcia.
Sigon ki Garbin, dakula an naikontribuer ni Garcia sa mga programa asin proyekto kan Ako Bikol.
Kan huri soboot sindang nagkahilingan ni Garcia, pighinghing niya digdi an labing pasasalamat asin pigsierto na dae masasayang an tabang asin suportang pigtao kaini para sa mga Bikolano.
Dae man napugulan ni Garbin an labing panghihinayang sa pagkawara kan sarong Filipino icon asin sinabing magtitinir an lalawgon kan aktor bako sana sa Ako Bicol Partylist alagad magin sa mga Bikolano.
