Pigbubusol kan Department of Health (DOH) an pagpapalakop nin impormasyon asin pagtatao nin serbisyo katakod sa human immunodeficiency virus o HIV orog na sa mga opisina.
Sigun sa DOH, dakula an oras na iginugugol kan mga obrero sa mga opisina o workplace kaya man target nindang maabot an mga ini.
Parte kan kampanya kan ahensya iyo an pagtatao nin libreng condoms, lubricants, asin Pre-Exposure Prophylaxis (PrEP), HIV testing, asin edukasyon sa pagsunod sa antiretroviral therapy kun magpositibo sa helang na HIV.
Naenot nang binisita kan mga kawani kan DOH an manlaen-laeng mga Business Process Outsourcing (BPO) sa Alabang, Muntinlupa City tangani magtao nin HIV education asin services.
Susog sa kagawaran, igwang labi sa 300 DOH-Designated HIV Care Facilities sa nasyon na preparadong magtao nin mga serbisyo para sa HIV prevention, asin man an pagpabulong sa mga pasyenteng positibo sa helang. M
