Pigrekomendar ni Senator Robinhood Padilla na ibalyo paramientras an responsabilidad kan DPWH sa pagpapagibo kan mga flood control projects sa National Development Support Command (NADESCOM) kan Armed Forces of the Philippines (AFP).
An NADESCOM an pigbibilog kan mga military engineers asin specialized units kan Hukbong Sandatahan.
Sa pag-urulay sa plenaryo dapit sa flood control projects, pigtukoy ni Padilla na pigmukna kan taong 2006 ni dating Pangulong Gloria Arroyo an NADESCOM tanganing labanan an communist insurgency sa paagi kan pagpapatindog nin infrastructure projects.
Nakagibo sonoot an NADESCOM nin 1,800 na mga proyekto sa tabang naman kan mga private donors asin local development councils siring kan mga tulay, farm-to-market roads, classroom, water systems asin kadakol pang iba.
Alagad “out of the box” an suhestyon ni Padilla, pigsaysay ni Senator Panfilo Lacson na pwedeng pag-adalan an ideyang ini.
Pigtawan duon pa ni Padilla na mas pinagkakatiwalaan pa an NADESCOM kumparar sa DPWH ngunyan.
