NAGA CITY- Ikinakahandal ngunian kan mga residente sa ciudad nin Naga asin probinsaya nin Camarines Sur an nagruluwasang halas, kino, ipis asin ibang mga insekto sa mga binahang lugar.
Sa nagunong impormasyon kan Bombo Radyo Naga, napag araman na nabigla na sana an mga residente sa Barangay Mabolo sa nasambitan ng ciudad kan mahiling an naglalangoy na dakulang cobra sa tubig baha.
Sa dai karayuan igwa man nadukayang duwang gadan na halas an mga residente.
Sa banwaan man kan Lagonoy sa probinsya nin Camarines Sur, nagruluwasan man an mga halas asin kaibahang inanod kan baha gikan sa mga omahan.
Apwera sa mga halas, nagruluwasan man an mga kino asin ipis gikan sa mga baradong storm drainage asin canal.
Sa ngunian, dai pa man nagbaba an lebel kan tubig sa nasambitan ng mga lugar urog na sa Camarines Sur kun sain 14 nang mga banwaan an lubog pa man sa baha.
