Presenteng nasa kustodiya kan City Veterinarian an mga hayop na na-impound sa Ciudad nin Naga, mantang hinahalat an mga kagsadiri na makapagpresentar nin dokumentong magpapatunay na sinda an may kagsadiri kan mga ini.
Sa intrevesta kan Bombo Radyo Naga kay Dr. Johann Michael R. Sales, City Veterinarian, pigtawan-duon niya na an Naga City Ordinance for Animal Care, ginibo bilang paglikay sa mga aksidente sa dalan o tinampo, lalo na sa mga nagbabarasay-basay na mga ataman na hayop sa pampubliko o pribadong lugar na mayo nin sapat na restraint.
Ipigtutulod man an paggamit nin ear tags bilang Identification System para sa mga dakulang hayop, na kaipuhan na sumunod sa mga panundon nin makataong pagtrato.
Dugang pa ni Sales na sa irarom kan ordinansa, nakatalaan an multang P2,000 para sa pag-impound nin dakulang hayop, dagdag an P200 kada aldaw asin P10 para sa pang aro-aldaw na pag-ataman.
