Pigsierto ni Presidente Ferdinand Marcos Jr. na maninimbag an utak asin sindikato na imbwelto sa pagkawara kan mga sabungero magin ini man an opisyal o sibilyan.
An pahayag an ginibo kan Presidente sa saiyang ika-apat na State of the Nation Address (SONA).
Sigun ki Marcos, nagtatabang an bilog na gobierno tanganing masimbagan an mga kaso kan mga nawawarang indibidwal huli sa mayo soboot pakundangan na kagibuhan kan mga sindikato sa likod kan madiklom na kinaban kan sabungan magin sinda man an makusog, magabat o mayaman siringman mapa- sibilyan o opisyal.
Apwera digde, ipapamate man soboot kan Presidente sa mga salarin an gabat kan padusa sa karumal-dumal na krimen na ginibo kan mga ini.
Pigsierto man ni Marcos na padagos an puwersa kan kapulisan na nagbabantay asin nagroronda para sa namamatean kan mga Pilipino asin maresponde sa apod kan saindang mga responsabilidad sa laog nin limang minuto sa ibong soboot kan pagbaba nin krimen sa nasyon.
Marurumduman, padagos an hararomang imbestigasyon kan mga otoridad dapit sa kaso kan mga nawawarang sabungero tanganing maaraman kun siisay an nasa likod kan nasambitan ng krimen.
