Nagpagirumdom an Civil Aviation Authority of the Philippines (CAAP) sa mga biyahero na likayang magdara kan mga ipinagbabawal na gamit sa maabot na Holy Week exodus.
Sigun ki Civil Aviation Authority of the Philippines Spokesperson Eric Apolonio, ipinagbabawal an pagbitbit nin power banks na lagpas sa 160 watt-hours.
Soboot, an pigtutugotan kan airlines an power banks na hababa sa 160 watt-hours basta dae nakalaog an mga ini sa mga darang bagahe na nakalaog sa overhead bins.
Pig-abisuhan man kan opisyal an mga pasahero na dae magdara kan mga ipinagbabawal na bagay sa eroplano tanganing makalikay na taapa sa kasagsagan kan screening.
Kabali sa mga bawal na bagay na dae dapat darahon an mga bala, vape, asin battery-operated gadget. Kaya pig-abisuhan an mga pasahero na likayan na darahon an mga bagay na ini nin huli ta nasasala an mga ini sa final x-ray machine.
Pigsierto man kan Civil Aviation Authority of the Philippines sa mga biyahero na nakapreparar an gabos nin 44 na palupadan sa nasyon sa piglalaoman na pagbulos kan mga pasahero sa Mahal na Araw.
Madeploy man an ahensiya nin dugang na mga personnel orog na sa peak hours.
