Ginawadan nin pagbisto kan Philippine Coast Guard (PCG) an mga personaheng lunad kan BRP Suluan.
Ini an katakod sa ipinahiling na isog, dedikasyon, asin sakripisyo kan mga tripulante kasunod na man kan panibagong insidente nin pangha-harass kan China na napuli sa banggaan kan duwang dalawang barko sa Bajo de Masinloc.
Pinangenotan ni PCG Commandant Admiral Ronnie Gil Gavan an awarding ceremony para sa BRP Suluan sa Pier 15, Port Area, Manila kun saen pinasalamatan man kaini an West Philippine Sea Group sa marhay na koordinasyon asin impormasyon sa operasyon.
Pig-enkaminar man kaini an mga personahe na magtinir na kalmado, propesyunal asin matatag.
An pagpapadara kan BRP Suluan an susog naman sa kasuguan ni Presidente Ferdinand Marcos Jr., na bantayan an kadagatang sakop kan Pilipinas asin proteheran an mga parasisirang Pilipino.
Kan nakalihis na 10, naghali an BRP Suluan tanganing magsagibo nin maritime patrol sa palibot kan Bajo de Masinloc.
