Nabawasan na an mga naka-admit na pasyenteng dinapuan nin leptospirosis sa nagkapirang ospital kan Department of Health (DOH).
Kabali na digde an DOH-Tondo Medical Center na igwa na sana nin pitong bagong admission basado sa datos kan nakalihis na Agosto 21, dakula an ibinaba kaini gikan sa pinakahalangkaw na nairehistrong 68 admission kada aldaw kan nakalihis na semana.
Mantang sarong pasyente na sana an bagong na-admit sa National Kidney Transplant Institute ngunyan man na semana, mas hababa sa 25 admission na pinakahalangkaw na nairehistro kada aldaw.
Mayo man nin naka-admit na pasyenteng igwa nin leptospirosis sa DOH-East Avenue Medical Center ngunyan na semana.
Sa kabilogan, nakapagrehistro na nin 4,436 na kaso kan leptospirosis sa bilog na nasyon gikan Hunyo 8, sarong semana makalihis ideklarar an panahon nin tag-uran hasta kan nakalihis na Agosto 21.
Matinir man na bukas an mga leptospirosis fast lanes asin pig asegurar na nakapreparar para sa posibleng mga admission an mga kama sa mga ospital kan DOH.
Binigyang diin din ng DOH na mahigpit ang mandato ni Health Sec. Ted Herbosa sa mga DOH hospital na bawal sayumahan an mga pasyente kasabay kan ipinapapautob na zero balance billing alinsunod sa direktiba ni Presidente Ferdinand Marcos Jr.
