NAGA CITY – An pinangyarihan kan krimen asin an agunong ebidensiya kan mga otoridad an nagtutukdo na primary suspek an live-in partner kan sarong biktima sa panggagadan sa 2 magtugang na babae.
Sa nagin paghampang sa mga kagawad kan media ni PCol Gilbert P. Fariñas, City Director – Naga City Police Officer pigsaysay kaini na crime of passio an rason kan krimen susog sa ebidensya huli ta an angle soboot digde basado sa account kan duwang biktima na nagsasabi na nakakaeksperyensiya nin pang-aabuso sa suspek.
Pigtutubudan na sa harong pa sana igwa ng ginibong bakong magayon sa sarong biktima asin tanganing dae marekober kan saiyang ka-live an insidente ini an sunod na pigdanyaran an buhay. Ini an pighihiling na anggulo na nasusuportaran man kan mga nakukuang ebidensiya.
Marurumduman an nahiling na nakapatos na biktima dae lalaoman na igwang laog na tawo huli ta sadit an pakatiklop kan bangkay.
Sa ngunyan an mga physical evidences suportado man kan mga statement kan pamilya, kapitbahay, magin sa karelasyon kan sarong biktima.
