Nagpoon na an Department of Educatiom na maghale nin mga lumang laptop sa saindang mga bodega para sa huring pagdistribwir sa manlaen-laen na opisina kaini.
Sigun ki Department of Education (DepEd) Secretary Juan Edgardo Angara, labi sa 50% kan mga laptops na nakatambak sa mga bodega kan ahensya an nakaluwas na mantang an iba padagos pang pigpapakarhay para sa eventual transportation pasiring sa manlaen-laen na lokasyon.
Sinabi pa kaini na naghagad man nin tabang an DepEd sa Philippine Air Force tanganing maihatod an mga ini sa hararayong lugar mantang nag-opresir man nin tabang an nagkapirang local government unit’s para sa transportasyon kan mga computers na itatao sa mga opisina asin eskwelahan kan DepEd.
Enot na sinabi ni Sec. Pigkakarkulo na mga 1.5 milyon na yunit nin mga laptop asin iba pang kagamitan an nakatambak sa bodega kaini sana. Ini puon kan panahon ni dating Secretary Leonor Briones kan 2020 hasta 2021.
Sigun pa sa sekretaryo, kaipuhan na padalion an distribusyon kan siring na mga laptops huli ta iguang lifespan an mga ini.
Huli sa halawig na panahon na sinda nakatago sa bodega, aminado man an sekretaryo na gabos ‘outdated’ na an mga laptop alagad sinabi kaini na naggibo nin paagi an Information and Technology team kan DepEd para magamit ini.
