NAGA CITY- Padagos na pigbabantayan kan DTI-Camarines Sur an mga nambubudol online orog na ngunyan na holiday season.
Sa nagin paghampang sa mga kagawad kan media ni Jay Ablan, Provincial Director kan DTI-CamSur, sinaysay kaini na enot soboot na dapat hilingon kan mga consumers an permit sa mga pigtatangro na promo online.
Sigun sa opisyal an mga mayong permit na mga online shops na nagtatangro nin mga promo an maikokonsederar na mga peke o dae lehitimo an saindang mga pigpapabakal.
Dugang pa kan opisyal, maikokonsederar sana na lehitimo an sarong marketing activities kun igwang permit nin huli ta saro ini sa mga guideline na nakapalaog sa DTI.
Sa ibong na lado, padagos man an pagpapagirumdom ni Ablan sa mga retailers na magsunod sa pigpapautob na prize freeze orog na sa mga basic necessities.
Pigtawan duon kan opisyal na nasairarom pa man giraray an probinsiya kan Camarines Sur kan state of calamity kun kaya nag-iiral pa an price freeze.
Katakod kaini, igwa soboot nairehistrong nagbalgar sa may parte kan siyudad nin Naga asin Nabua na tolos man pigkua an atensyon na kun saen tolos na nagsimbag sa saindang pangapudan sa pag-adjust kan presyo na susog sa nag-iiral na price freeze.
Apwera digde, naglalaom man si Ablan na magigin staboe na an presyo kan noche buena products asin basic necessities ngunyan na pasko asin bagong taon.
Sa ngunyan, pig-enkaminar na sana ni Ablan an gabos na i-download an DTI e- Presyo app tanganing magserbeng giya kan mga consumers tuyong nagbabakal nin mga produkto.
