Pigsierto kan Department of Human Settlements and Urban Development (DHSUD) na igwa nin nakatagamang pondo para sa pagpapatindog nin harong an mga nawaran nin istaran huli sa Bagyong Enteng.
Sa Bagong Pilipinas Ngayon, sinaysay DHSUD Usec. Randy Escolango, makakaresiber nin P30,000 cash assistance an mga may-sadiri kan totally damaged na harong, mantang P10,000 man sa mga bahagyang naraot an istraktura kan harong.
An itatao na tabang an sakop kan Integrated Disaster Shelter Assistance Program (IDSAP).
Sigun ki Escolango, pupwedeng makipag-tabangang sa local housing board sa mga LGU an mga nadanyaran an harong tanganing maibala an pangaran sa masterlist kan mga benepisyaryo.
Kaipohan sana soboot magsumiter nin valid ID asin magpirma sa beneficiary form para ma-endorso kan local housing board sa kagawaran.
Pigsierto man kan opisyal na igwa nin bastabteng na pondo an opisina para sa ayudang itatao sa mabibiktima kan kalamidad.
Sa ngunyan, nasa P8.8 million pa sana soboot an nagagastos kan kagawaran sa IDSAP, gikan sa nakatagamang P200 milyong pondo kan programa ngunyan na taon.
