Nangapudan an nasa 30 na mga grupo kan negosyante sa nasyon nin tulos na kapadusahan sa mga nasa likod kan anomalya sa flood control projects.
Sa pinagsalak na pahayag kan 30 business groups, naanggot sinda sa mga nadiskubreng lantarang pangungurakot sa mga proyekto kan gobyerno.
Matatawan sana nin hustisya an mga Pinoy orog na an mga pobre kun igwang makulong sa mga imbwelto sa kurapsyon. Preparado sindang magtabang na ilantad an mga nakinabang sa panghahabon sa mga tao.
Pigsierto man ninda na mahanap sinda nin mga ebidensiya kan kurapsyon kontra sa mga opisyal kan gobyerno tangani masampahan an mga ini nin kaukulang kaso.
Advertisement
Advertisement
