NAGA CITY- Positibo ngunian an sarong kongresista na mas magigin ma gayon an kamugtakan kan mga Pinoy sa ibang nasyun kun magigin skilled workers an mga ini envez na domestic helper.
Ini an tinawan duon ni KABAYAN Partylist Rep. Ron Salon, saro sa mga kasapi kan House Committee on Foreign Affairs sa nagin entrevista kan Bombo Radyo Naga.
Sigon ki Salon, mas magayon suboot kun maagi sa mahigot na trainings sa Pilipinas an mga Pinoy antes ining ipadara sa ibang nasyun para envez na magin domestic helper na pirming biktima kan mga pang-aabuso kan saindang mga amo, magin skilled workers an mga ini.
Bako man suboot maraot an pagtatrabaho komo sarong katabang alagad mas magayon suboot kun igwang kaaraman an mga Pinoy sa ibang bagay tanganing maggibo man nindang protehiran an saindang mga sadiri sa pang aabuso kan saindang mga employer.
Mas magayon man suboot kun urog pang mapakusog an Mutual understanding kan Pilipinas sa mga nasyung pinagtatrabahuhan kan mga Overseas Filipino Workers (OFW’s) tanganing masiyerto an mas magayon na proteksyon na mareresibe kan mga ini gikan sa gobyerno kan nasambitan ng nasyun.
