NAGA CITY– Maabot sa anom na kahon kan soboot pekeng sabon an nakumpiskar kan mga otoridad sa ginibong raid sa sarong harong sa Barangay Cadlan, Pili, Camarines Sur.
Sa entrevista kan Bombo Radyo Naga ki PSupt. Errol Garchitorena, Chief of Police (COP) kan Pili-PNP, sinaysay kaini na may nagpaabot sa sainda nin impormasyon dapit sa soboot mga pekeng sabon na pigpapabakal kan sarong grupo.
Katakod kaini, tulos man na nagsagibo nin operasyon an kapulisan kunsaen naabutan kan mga ini sa laog kan harong an tolong lalaki asin an anom na karton na pano nin mga sabon.
Ayon ki Garchitorena, posibleng ginamit kan mga suspek an pangaran na “Safeguard” huli ta saro an kompanya na nagkakapot digdi sa mga authorized distributor kan nasambitan ng mga produkto.
Sigon soboot sa tolong suspek, sa sarong bodega ninda pigkukua an mga sabon asin may nagsusugo sana soboot sa sainda na ipabakal an nasambitan ng mga produkto.
Kung ikukumparar soboot sa orihinal na sabon, mas sadit asin bakong gayong maputi an mga nakumpiskar na produkto.
Sa ngunian, nagigibo na nin mararumang imbestigasyon an mga otoridad para masusog an mga taong nasa likod kan pagpapalakop kan mga pekeng sabon sa nasambitan ng lugar.
