Nanutaran kan pirang mga residente sa Batanes an rocket na pinalupad kan China gikan sa Taiyuan Satellite Launch Center sa Shanxi Province.
An nasambitan ng rocket an Long March-6 carrier na igwa nin dara-darang grupo kan mga satellite pasiring sa kalawakan.
Basado sa pirang ladawan na kua kan mga residente gikan sa Norteng parte kan nasyon, hiling an paglupad kan rocket sa kalawakan pirang oras puon kan pinalupad ini sa China. Mahihiling man an pagliwanag kan kalawakan kasabay kan pag-agi kan nasambitan ng rocket.
Mientrastanto, basado sa ipinaluwas na impormasyon kan China, alas 7:06 kan nakaaging banggi piglunsar an rocket. An China asin Pilipinas igwa nin parehong sona nin oras.
Susog sa China Aerospace Science and Technology Corporation (CASC), an paglunsar kan rocket nagin matrayumpo.
