Pigpaplano kan Philippine National Police (PNP) na gamiton an mga security guard komo intelligence operatives para sa pagpapamarhay asin kasalbadohan kan publiko.
Rason ni PNP Civil Security Group (CSG) director Maj. Gen. Edgar Alan Okubo, na posibleng magin katuwang kan kapulisan an mga security guard sa intelligence gathering asin magsirbi man an mga ini komo mga force multipliers.
Duon kan heneral na piggagampanan kan mga ini an importanteng papel na pagsierto sa kasalbohan asin seguridad kan mga palibutan, commercial establishment, asin iba pang pangenot na mga pasilidad. Parte soboot an mga ini kan komprehensibong security framework kan gobierno kasabay kan saindang pagseirto sa seguridad kan mga pigbabantayang pasilidad.
Kasabay kaini, plano kan PNP na magsagibo nin Basic Information Collection and Analysis Seminar (BICAS) para sa mga pribadong security agencies kun saen nakatalaang mag-atendir digi an 575,000 security guard sa manlaen-laen na parte kan nasyon.
An nasambitan ng seminar an dati nang isinagibo sa Kampo Krame kun saen labi 30 security agencies an nag-atendir.
