Nakatutok na an mga emergency response team volunteers para sa mga aktibidad katakod kan Peñafrancia Festival 2026.
Sa intrevista kan Bombo Radyo Naga ki Jasmine Faith Layosa, Emergency Response Team Volunteer,sinabi kaini na haros tolong taon nang nagseserbi sa taonan na aktibidad. Saro sa mayor na trabaho ninda iyo an tulos na pagresponde sa mga insidente na posibleng mangyari durante kan mga aktibidad sa festival. Padagos man nindang pigbabantayan an manlaen-laen na aktibidades relihiyoso asin piyesta.
Dugamg pa ni Layosa sa sarong organisasyon nin eskuelahan, an mga estudyante mismo naglilingkod bilang mga boluntaryo. Nagsairarom sinda sa training sa lindong kan City Disaster Risk Reduction and Management Office (CDRRMO) tanganing magin andam sa pag-deploy para sa Peñafrancia Festival 2026.
Pigtawan duon man ni Layosa, nagpapadagos pa an pagsensus asin pagrehistro kan mga pasyente na saindang tinatabangan. Nin huli nagpapadagos pa an mga aktibidades kan festival, dae pa maitatao an total na bilang kan mga pasyenteng nairehistro ngonian na taon.
Mientrastanto, piglalaoman na magdadanay na alerto an mga volunteer responders para tulos na magresponde sa anuman na emerhensya mantang nagpapadagos an selebrasyon kan Peñafrancia Festival 2026.
