Sinaysay kan Israeli military kan nakalihis na aldaw nin Dominggo na napugulan kaini an sarong missile na inilunsar gikan sa Yemen pasiring sa Israel sa pag-atake kan Houthis.
Magpuon kan pagbungkaras kan Israel-Hamas war kan nakalihis na October 2023, padagos man an paglulunsar kan missile kan Iran-aligned Houthis kan Yemen sa Israel sa inapod nindang pakikisumaro sa Palestinians sa Gaza.
Kadaklan sa mga missile kan grupo an kinakapos o napupugulan.
Sinaysay ni Houthi military spokesperson Yahya Saree na responsable an grupo sa pag-atake kan nakalihis na aldaw nin Dominggo, idinagdag na naglunsar ini nin missile pasiring Ben Gurion Airport harani sa Tel Aviv.
Inanunsyar ni US President Donald Trump na mauntok na an Estados Unidos sa pagbomba sa Houthis sa Yemen nin huli ta nagtugot an grupo na iuntok man an pag-atake sa US ships sa irarom kan Oman-mediated ceasefire deal.
Alagad, dae sakop kan kasunduan an Israel.
