Aram baya nindo mga ka-Bombo na himala an nangyari sa sarong lalaki gikan sa Estados Unidos na binistong si Richard Guilford.
Sigun sa report, 11 taon na an nakakalihis magpuon kan mawara an pitaka ni Rirchard.
Asin sa panahon na idto, nagkapirang lunadan gikan sa Chicago an igwang electrical issues asin pigpapakarhay kaini hasta sa nawara na sana an saiyang pitaka sa saiyang bulsa.
Kaibahan na nakabugtak sa pitaka ni Richard iyo an saiyang driver’s license asin Ford Motor Co. ID, $15 in cash asin US$250 worth of gift cards gikan sa American retailer na Cabella, na binisto sa hunting, fishing, boating, camping, and outdoor recreation merchandise.
Plano pa kudta kaining gamiton an gift cards sa pagbakal nin Christmas gift para sa saiyang mga aki.Nagtitinir man misteryo para ki Richard kun ano na an nangyari sa nawara kaining wallet sa laog nin kadakol na taon.
Hasta sa may dinarang lunadan sa motor shop ni Chad Volk na kinakaipuhan ribayan an cooling fans.
Makalihis an proseso asin akmang pigbweltada na kaini an air box sa irarom kan hood kan lunadan, nanutaran kaini na dae na ini magkasya.
Kan halion kaining liwat, nahiling kaini an sarong wallet na nasa ibabaw kan transmission.
Kan hilingon kaini an wallet, nahiling kaini an badge ni Richard.
Makalihis kaini, hinanap kaini si Richard sa social media hasta sa nakapag-ulay na sinda asin dagusan na man na naibweltada an pitaka.
