Ipigheras kan P-pop boy group na ECHO an pagkagadan kan saindang miyembro asin main vocalist na si Jaspher Cabangon, o mas bisto bilang Sphere, kasunod kan naunang pahayag na temporaryo muna siyang magpapahingalo huli sa saiyang pagkaospital.
An nasabing pahayag ipigbuyagyag kan saindang management sarong aldaw makalihi an pagkagadan ni Cabangon.
Dai ipinaaram kan management kan grupo sa publiko an kawsa kan pagkagadan kan nasabing miyembro. Naghagad man ini nin pag-intindi sa mga fan na respetuhon an privacy asin pagmundo kan pamilya ni Cabangon siring man an saiyang mga kapwa miyembro.
Nagtao man nin pagrespeto an grupo ki Cabangon, na sabi ninda, pirming maroromdoman an saiyang liwanag asin kaugmahan na dinara sa mga tawo sa saiyang palibot.
