Pighayag kan promoter an pagkanselar kan nakatalaan na konsyerto sa nasyon kan Kiwi singer na si Bic Runga.
Sa sarong social media post kan Midas Promotions, ipinaaram na dai matutuloy an nasabing konsyerto na nakatalaan kuta na gibuhon sa Oktubre 1 sa Skydome sa Quezon City.
Segun pa sa promotions, igwa nin nagkapirang bagay na dai maiiwasan kaya nagdesisyon sinda na kanselahon na sana ini.
Sinigurado man ninda na ibabalik an kwarta kan mga nakabakal nin tickets.
Si Briolette Kah Bic Runga an enot na nagpaluwas nin album kan 1997 na may titulong “Drive,” kun sain sumikat an kanta kaining “Sway.”
Kan 2006, nagin miyembro ini kan New Zealand Order of Merit huli sa saiyang musika.
Mantang kan Pebrero, nagpaluwas ini nin album na may titulong “Red Sunset.”
