Nagtao na nin abiso an Metropolitan Manila Development Authority (MMDA) na temporaryong isasarado an nagkapirang mayor na tinampo sa palibot kan Bonifacio Monument Circle para sa selebrasyon kan ika-161 na kumpleanyo ni Gat Andres Bonifacio.
Kabali sa mga tinampo na ini iyo an MacArthur Highway hale sa Calle Cuatro pasiring sa Monumento asin Samson Road gikan sa kanto kan Lapu-Lapu Street pasiring sa Monumento.
Kabale man sa temporaryong pagsarado kan Rizal Avenue poon 10th Avenue pasiring sa Monumento asin an EDSA Northbound hale sa General Rosendo Simon pasiring sa Monumento an isasarado man sa kaparehong aldaw.
An mga Caloocan Local Government units ma-assign man nin mga traffic enforcers asin emergency groups siring man mga patrolya sa aldaw na iyan tanganing dae maapektaran an dalagan kan trapiko asin an programang isasagibo sa Monumento.
Manungod sa mga motorista, pig-aabisuhan muna sindang mag gamit nin alternatibong ruta tanganing maibitaran an makusog na dalagan kan trapiko sa aldaw na ini.
An nagkapira sa mga pigtaong alternatibong agihan iyo an nagpopoon sa toong likoan kan Reparo Road pasiring sa Araneta Avenue asin man an tinampo na pasiring sa 10th avenue.
Kun hale sa Rizal Avenue asin pasiring sa EDSA, an mga motorista pwedeng mag-agi sa 10th Avenue asin 5th Avenue tanganing makaabot digdi.
Para sa mga motorista na pasiring sa Sagangan Road gikan sa Rizal Avenue, an mga motorista pwedeng magliko sa wala sa 10th Avenue asin mag-agi sa Heroes Del96 hasta sa makaabot sa Samson Road, asin magliko sa wala sa Caimito Road asin man magliko giraray sa wala sa MacArthur Highway.
Mientrastanto, an mga saradong tinampo mabubuksan sa udto pagkatapos kan commemoration program sa lugar.
