Nakakulektar an Metropolitan Manila Development Authority (MMDA) nin nasa 170 sako nin mga basura sa Estero de Magdalena sa Tondo, Maynila.
Sigun sa MMDA na kaiba ninda an Manila City Government, Department of Public Works and Highways (DPWH), Metro Parkways Clearing Group asin mga Estero Rangers sa paglilinig sa lugar.
Saro kaya an Estero de Magdalena na pangenot na tributaries kan Ilog Pasig o mga pigbubulusan kan tubig na konektado sa Ilog Pasig.
Importante na regular ining nalilinigan tangani makaagi nin maray an tubig asin dae magkawsa nin pagbaha sa lugar.
Sinabi pa ni MMDA Chairperson Romando Artes na dae kaya nin solo na linigan an lugar huli ta importante an pagtatarabangan kan publiko orog na an segregation kan basura asin magin an tamang pagtatapok nin basura.
