Nilinaw kan Metropolitan Manila Development Authority (MMDA) na dae kaini ipinagbabawal an mall-wide sales sa Metro Manila tanganing mabawasan an piglalaomang magabat na bulos kan trapiko ngunyan na holiday season.
Ginibo ni MMDA official Victoria Maria Nunez an nasambitan ngpaglilinaw sa isinagibong pagdangog kan Senate Committee on Public Services.
Paliwanag kan opisyal na sa pakikipagtabangan ni MMDA Chairperson Don Artessa mall operators kan nakalihis n Oktubre 17, pighagad sana soboot sa mga ini na dae magsagibo nin magkakasunod na mall-wide sale asin baguhon an opening hours kan mga ini asin ibalyo gikan sa 11 am hasta 12 am gikan sa Nobiyembre 18 hasta Disyembre 25.
Apwera digde, sinaysay man kan MMDA official na maapelar an ahensiya sa mall operators na magresiber sana nin truck delivery puon 10 pm hasta 5 am.
Hurot man kan opisyal na dae man nuarin kaini pagbabawalan amg mga store o retailer puon sa pagsasagibo kan saindang sariling sales.
Naenot na man na sinaysay ni MMDA Chariperson Romando Artes na an closing time an nakadepende sa discretion o pagdedesisyon kan mall owners.
