Liwat nagpamalas si Pole vault star Mondo Duplantis kan saiyang tibay makalihis na makuwalipika sa final kan World Athletics Championships sa Tokyo kan nakalihis na Sabado, gamit sana an duwang mahusay na lundag na sigun sa saiya an garo warm-up sana.
An 25-anyos na Swedish vaulter, na bistado sa madalas na pagpasa kan sadiri kaining world record, kumpiyansang poporbaran an 6.30 meter sa final—sarong sentimetro sana an langkaw kaysa sa saiyang presenteng record na naikurit sa Budapest kan nakalihis na bulan.
Makalihis an toninong na Tokyo Olympics kan nakalihis na taong-2021 sa pandemya, maogma si Duplantis sa pagbebweltada sa National Stadium.
Kaibahan kaining maglaog sa final sinda Emmanouil Karalis ng Greece, Sam Kendricks kan US, asin Kurtis Marschall kan Australia, makalihis an malinig na lundag sa 5.75m.
Apwera sa pagigin kampeon sa Olympics asin World Championships, padagos na pigtatawan interesting ni Duplantis an pole vault, sarong event na karaniwan sanang nasa likod kan Track and Field.
