Piglangkaw kan Department of Agriculture sa P150 kada kilo an maximum suggested retail price (MSRP) kan pulang sibuyas.
Sigun ki Agriculture Secretary Francisco Tiu Laurel, gikan sa P120 kada kilo, magigin P150 kada kilo na an MSRP kan red onions simula sa Disyembre 11 huli sa soboot naglalangkaw na export prices gikan sa major supplier siring kan China, Holland asin China siringman an pagkusog kan dolyar kontra piso.
Nagtitinir man sa P120 an kada kilo kan yellow onions.
Pigsaysay pa ni Laurel na nakadugang pa sa paglangkaw kan import costs an maluyang currency.
Pig-enkaminar pa ni Laurel an market players na magsunod sa SRP orog na ta malangkaw an demand kaini ngunyan na holiday season.
Pigpunto pa ni Laurel na dae kaipuhan na maglaom an nasyon sa ibang nasyon orog na ta pigdodomina na ngunyan kan China an import supply kan Pilipinas.
Sigun pa ki Laurel, sususpendiron an gabos kan importasyon kan sibulyas sa Enero komo pagpepreparar sa harvest season kan mga lokal na mga paraoma.
