Dae uyon an Movie and Television Review and Classification Board (MTRCB) sa suhesyoin na ipagbawal an mga pelikula asin programang may mararahas na tema komo lakbang ngani mabawasan an mga krimeng kinasasangkutan kan mga menor de edad.
Nainot nang tig suhesyon ni Philippine National Police (PNP) Chief Gen. Jose Melencio Nartatez Jr. an nasabing lakbang kasunod kan sunod-sunod na insidente kan karahasan sa mga eskwelahan.
Segun sa saiya, saro ini sa mga pwede pag-adalan nganing matugunan an naglalalang kaso kan karahasang kinasasangkutan kan mga huben.
Segun paman, sa sarong pahayag, sinabi kan MTRCB na alagad binibisto kaini an paghandal kan publiko sa posibleng epekto kan mararahas na paluwas sa mga hubenes, dae suboot an pagbabawal sa mga kaini an tamang solusyon.
Tinawan duon kan ahensya na an importante sa mga aki laban sa mapanraot na konteksto kan mga palabas ay kargo bako lamang kan pamahalaan kundi pati na kan mga magulang, maestra, media practitioners, digital content creators, asin mga stakeholder sa industriya kan pelikula asin telebisyon.
Segun pa sa MTRCB, aktibo ining nakikipagtabangan sa mga nasa industriya nganing ma sierto na naipapahiling sa mga pelikula, programa sa telebisyon, asin iba pang materyales an mga adal na itinutukdo kan pagiging sarong Pilipino, katakod kan pagsusulong kan responsable asin boluntaryong regulasyon sa pag gibo nin palabas.
Ininsister man kan MTRCB na an pagbabawal sa mga pelikula asin programang may mararahas na tema ay pwedeng maging kontra sa karapatan kan mga Pilipinong creator sa malayang maghayag.
