Nagkundusir nin inspeksyon an Movie and Television Review and Classification Board (MTRCB) sa manlaen-laeng bus terminal antes an Undas tanganing masierto na nagsusunod an mga operator asin driver sa mga panundunan sa pagpapaluwas kan mga palabas sa pampublikong behikulo.
Sigun sa MTRCB, pigkundusir an mga inspeksyon kan Oktubre 20, 27 asin 29 tanganing siertuhon na puros mga palabas na igwang G asin PG rating sana an pigpapadalan sa mga bus.
Pigsagibo an inspeksyon sa mga terminal sa Maynila, Caloocan, Pasay, asin Quezon City kun saen mayo man nahiling na pagbalgar.
Katakod kaini, nagpagirumdom si MTRCB Chair asin CEO Lala Sotto sa mga operator na trabaho nindang sunudon an Presidential Decree 1986 tanganing masierto na salbado an publiko sa panahon kan kasiributan.
Pig-enkaminar man kan MTRCB an publiko na i-report an mga pagbalgarb sa saindang opisyal na social media accounts.
