NAGA CITY- Sa karsel an bagsak kan nairidong motorista makalihis na makumpiskar digdi an sarong badil kan maaksidente an nilulunadang motorsiklo sa Infanta, Quezon.
Binisto an motorista na si Wilfredo Benetez, 32-anyos.
Sa nakuang impormasyon kan Bombo Radyo Naga, napag-araman na bigla na sanang natumba an pigmamanehong motorsiklo ni Benetez sa gilid kan tinampo mantang binabagtas kaini an kalabaan kan Barangay Alitas.
Nagsapo nin lugad sa saiyang angog an motorista na tulos na pigdalagan sa ospital.
Sa imbestigasyon kan mga pulis, narekober hale sa darang backpack ni Benetez an sarong colt 45 caliber asin limang mga bala na mayong maninigong permit.
Makalihis na matawan nin maninigong atensyong medikal, tuloa man na pigkostudiya kan mga otoridad si Benetez asin nahahampang sa kasong pagbalgar sa RA 10591 o an Comprehensive Firearms and Ammunition Regulation Act.
