NAGA CITY – Nangangapudan an Naga City Environment and Natural Resources Office sa publiko partikular sa igwang nawawaraang kapamilya makalihis na may madukayang kalansay kan tawo sa MT. Isarog Natural Park parte kan Malabsay gate kan nakalihis na Setyembre 23 pasado alas 10 hasta 10:25 nin pagkaaga.
Sa entrevista kan Bombo Radyo Naga ki Alex San Jose, OIC, Chief of Watershed Management Division kan Naga City Environment asin Natural Resource Office, pinagtutubudan na residente man sana ini kan barangay Panicuason, alagad padagos man an saindang pakikipag-koordinar sa PNP .
Katakod digde, an nakuang kalansay nasa kustodiya na kan kapulisan tanganing matawan nin linaw an totoong identity kan kalansay.
Dugang pa kan opisyal bakong designated trace o agihan an nasambitan ng lugar kaya dae tolos nadiskubre siringman protected areas an Mt. Isarog asin nangangaipuhan ini nin permit asin nagtatao nin mga trace para sa mga pupwede sanang agihan.
Marurumduman, igwang nairehistrong indibidwal na nawawara asin pinagtutubudan na igwang kakundian sa isip an soboot naka-abot sa Malabsay bako sanang sarong bes.
An nasambitan ng lugar an pinakapurong area sa siyudad nin Naga.
Mientrastanto, pigtawan duon man kan opisyal na pigtatawan man ninda nin instructions an mga tawo asin pigpupugulan ninda an nagpupurbar maglaog sa nasambitan ng lugar.
