Matrayumpong naikundusir an enot na Quarterly Earthquake Drill sa Naga City General Hospital sa Naga City, kasuudma Marso 12.2026.
Nakisumaro sa aktibidad kan mga empleyado asin opisyal kan ospital, kaayon an mga kinatawan gikan sa Bureau of Fire Protection (BFP) at City Disaster Risk Reduction and Management Office (CDRRMO) bilang parte kan padagos na pagpakusog kan kahandaan sa sakuna sa laog kan ospital.Sa pagpoon kan drill, pinatanog an alarm bilang hudyat kan sarong simulated earthquake scenario. Tulos na isinagibo kan mga partisipantes an tamang paagi kan “Duck, Cover, and Hold” sa saindang mga lugar sa laog kan ospital.
Makalihis an itinanalaan na oras, isinagibo an marhay asin organisadong pag ibakwar pasiring sa itinalagang assembly area, sa pangengenot kan mga opisyales kan ospital asin sa koordinasyon kan mga tauhan kan BFP asin CDRRMO.
Pag abot sa ligatas na lugar, nagsagibo nin halipot na talakayan an mga kinatawan kan CDRRMO asin BFP manungod sa kahalagahan kan regular na earthwuake drills asin an tamang mga lakdang na dapat gibuhon sa panahon nin linog.
Ipinahiling man sa mga partisipantes an nagkapirang kaaraman sa pagtao nin basic first aid asin tamang pagsimbag sa mga pweding mangyari sa laog kan ospital.Ginibo man an pagsusuri tanganing masierto na ligtas an gabos na nagpartisipar asin naisagibo nin marhay an lambang lakdang kan drill. Sigon sa mga tagapag organisa, importante an aktibidad na ini tangnaing mas mapakusog an koordinasyon sa manlain lain na ahensya asin masierto an kahandaan kan mga empleyado kan ospital sa oras kan sakuna.
An nasabing aktibidad parte kan padagos na programa kan naga City para sa disaster preparedness na obhetong mapalawak an kamalayan sa kaligtasan asin mapakusog an kakayahan kan mga institusyon asin komunidad na makapagsimbag nin marikas asin marhay sa panahon nin emerhensya.
