Opisyal nang pinirmahan ni Presidente Ferdinand R. Marcos Jr an proklamasyon na nagbibisto sa syudad nin Naga komo sarong Highly Urbanized City.
Sa pahayag ni Naga City Mayor Leni Robredo, naresibe niya ngonian na aga, Mayo 27, 2026 sa paagi nin text message hale sa Malacañang an kumpirmasyon kan pagpirma sa nasabing proklamasyon.
Pigkokonsiderar kan alkalde na may personal asin historikal na kahulugan an nasambitang petsa, huli ta kasabay kaini an mga importanteng memorya kan saiyang nagadan nang agom, na dating DILG Secretary asin Naga City Mayor Jesse Robredo.
Binalikan man kaini na kan Mayo 27, 2016, siya an pigdeklarang nanggana bilang Bise Presidente kan nasyon, na kasabay man kan kumpleanyo kan saiyang nagadan nang agom.
Sa ngunyan, mayo pa nin iba pang detalye hale sa Malacañang manungod sa implementasyon asin iba pang teknikal na aspeto kan pagiging Highly Urbanized City kan Naga.
