NAGA CITY- Mawot pang papusugon kan lokal na gobyerno kan syudad nin Naga an pinapautob na Curfew Ordinance.
Napag-olayan kan Sangguniang Panlungsod na amyendaran an nasambitang ordinansa alagad maagi muna ini sa pag-aadal.
Sa intrevista kan Bombo Radyo Naga ki Councilor Lito del Rosario, pamayo kan Committee on Peace and Order, sinaysay kaini na inaprubaran kan SP an saiyang pigsunad na resolusyon na mag-krear nin technical working group tangani na pag-adaan an ordinansa.
Ini makalihis suboot makaresibe nin feedback hale sa Philippine National Police (PNP) asin mga barangay officials na dapat na magin akma an ordinansa sa panahon ngonian.
Dugang pa ni Del Rosario, bakong gayong mahigot an pigpapataw na sanction sa mga magurang kan mga menor de edad na nagbabalgar sa curfew hours.
An konsehal an mangengenot sa gigibuhong pag-aadal kan technical working group sa laog nin 45 diyas kun sain kaibanan an manlaen-laen na concerned agencies, organisasyon, media asin miembros kan Sanggunian.
