Binisto an Sangguniang Kabataan Federation kan Ciudad nin Naga bilang Most Outstanding Sangguniang Kabataan Federation sa Pilipinas sa ika-7ng Philippine Sangguniang Kabataan Awards.
Sa ipigsagibong privilege speech sa Sangguniang Panlungsod nin Naga ni Naga City Liga Presiden Corazon Peñaflor, sinabi kaini na ini an ikaduwang sunod-sunod na taon na nakaresibe kan siring na pagmidbid an Naga City SK Federation, sa pamamayo ni Federation President asin City Councilor Jefferson Romero B. Felix.
Tinawan nin komendasyon an SK Federation huli sa mga sistema asin programang ipinapaotob kaini sa youth governance, kabali an data-driven planning, performance monitoring, fiscal management asin participatory processes.
An Naga City SK Federation nag-agi sa national evaluation process na kabali an documentary screening asin presentasyon sa evaluation panel bago maresibe an award.
Tinawan duon man na an pagbisto bako sanang naginibohan kan Presidente kan Pederasyon kundi resulta man kan sararong espwersos kan 27 SK Councils, SK officials, youth volunteers, barangay officials, Naga City Youth Development Office asin City Government.
Segun ki Peñaflor, importante an siring na pagbisto bilang patunay kan aktibong partisipasyon kan mga jovenes sa pamamahala asin pag-uswag kan ciudad.
Inenkaminar an mga opisyales kan SK na ipadagos an saindang serbisyo na may integridad asin orog pang pakusugon an partisipasyon kan mga jovenes sa mga aktibidad asin programa kan lokal na gobyerno.
