Nagbagsak na ambulance helicopter sa kadagatan kan Japan, kawsa kan pagkagadan kan 3 katao

Binawian nin buhay an nasa tulo sa anom na lunad kan nagbagsak na ambulance helicopter sa may parte kan kadagatan kan southwestern Japan.

Sigun sa Japan Coast Guard, kabali sa binawian nin buhay an 86 anyos na pasyente na si Mitsuki Motoishi, an saiyang caretaker na si Kazuyoshi Motoishi asin medical doctor na si Kei Arakawa.

Naisalbar man an 3 iba pang lunad kan ambulance helicopter kabali an piloto na si Hiroshi Hamada, Kazuto Yoshitake, helicopter mechanic asin 28 anyos na nurse na si Sakura Kunitake.

Nangyari an trahedya mantang pasiring an helicopter sa sarong ospital sa Fukuoka tangani darahon duman an pasyente gikan sa airport sa Nagasaki prefecture.