Nakukulangan an nagkapirang mga tsuper sa pampublikong transportasyon sa mga nagin lakdang kan gobyerno tangani mapugulan an padagos na paglangkaw nin presyo kan produktong petrolyo.
Napagaraman na sa huring report, nasa P1.25 an langkaw presyo sa kada litro nin gasolina mantang P0.40 hasta P0.60 sa krudo asin P0.60 hasta P0.80 na langkaw presyo sa kada litro nin kerosene na ikaapat na magkakasunod na semana nangyari.
Hurot kan nagkapirang tsuper, bagaman may subsidiya, dae man ini direktang napapaduman sa sainda huli ta an mga operator an nakikinabang.
An nagkapirang tsuper man an nag aapelar na maggibo kuta nin lakdang an gobyerno tangani dawa papano, mapugulan an langkaw presyo nin petrolyo orog na ta haros gabos nin kita ninda an napapaduman na sana sa gastos digde.
