Ikinahadit ni Marikina Rep. Marcy Teodoro an napag-araman na nagkapirang proyekto sa National Expenditure Program na natapos na alagad liwat pa man na pigbali sa 2026 budget.
Sigun sa lehislador, nagkapirang proyekto na an nanutaran kan saiyang opisina na igwang siring na sistema.
Nagibo soboot kaining irani an nasambitan ng problema ki Department of Public Works and Highways (DPWH) Sec. Manuel Bonoan sa sarong consultation meeting na inatendiran ninda kan sekretaryo.
Kaibahan sa mga ini iyo an nagkapirang public infrastructure project sa saiyang distrito, siring kan slope protection asin mga flood control structure.
Sigun pa ki Teodoro na dati mang nagsirbi komo alkalde kan Marikina, saro ini sa mga resulta kan dae pakikipag-koordinar kan DPWH sa mga lokal na gobyerno antes man sana sinda magpatidog nin mga proyekto sa sarong lugar.
Pwede soboot mabantayan ini kan mga LGU kun igwa sanang bastante na kaaraman an local officials sa mga proyektong pigpapatindog kan national government sa pangengenot kan DPWH.
Dapat soboot tawan linaw kan DPWH an mga nasambitan ng proyekto asin aramon kun totoong proyekto an mga ini, huli sa nakapalaog na ini sa prosopwestong pondo sa 2026 na pinagdedebatehan na kan Kongreso.
