NAGA CITY- Nakatutok ngunian an Provincial Disaster Risk Reduction Management Office (PDRRMO)-Batangas sa nagkapirang mga lugar na posibleng bahaon enkaso magdagos- dagos pa an pag-uuran na namamatean sa probinsya.
Sa entrevista kan Bombo Radyo Naga ki Lito Castro, head kan PDRRMO-Batangas, sinaysay kaini na mahigot nindang minomonitor sa ngunian an nagkapirang banwaan sa 1st asin 2nd District kan Batangas na kadalasang nakakamati nin pagbaha asin landslide tuyong nag-uuran.
Kabale sa mga lugar na ini an mga banwaan kan Nasugbu, Lian, Calatagan asin Calaca.
Sigon ki Castro, dawa mayo nin darakulang dam na pwedeng makaapektar sa mga residente sa nasambitan ng mga lugar, alagad igwa soboot nin darakulang salog na binabantayan sa nasambitan ng mga distrito.
