Nasulo an nagkapirang mga tindahan kan paputok sa magkasuhay na insidente kasabay kan pagsabat sa Bagong Taon sa Pilipinas.
Basado sa pigheras na video na kua kan sarong netizen, sarong tindahan kan paputok sa may Sumulong Memorial Circle sa Barangay Dela Paz sa Antipolo City an nasulo.
Garo soboot nagin fireworks display an pagsabat kan Bagong Taon makalihis na masulo an mga paputok asin fireworks na pigpapabakal sa nasambitan ng tindahan.
Sa suhay na insidente, nasulo man an sarong bakalan nin paputok sa may Market Bulanao sa may Tabuk City sa probinsiya kan Kalinga.
Basado sa sarong paratienda, igwang naligaw na pinaputok na kwitis na nagtama sa sarong stall hasta nadamay an iba pang mga pigpapabakal na paputok.
Sa ngunyan, pig-aaram pa kun igwang nalugadan sa duwang insidente kan kasulo sa mga tindahan nin paputok.
