Nagkapirang residente sa Tyrone, Oklahoma pina-ebakwar huli sa wildfires

Kadakol na mga residente sa banwaan kan Tyrone, Oklahoma an pina-ebakwar huli sa mahewasang wildfire.

Sigun sa Texas County Emergency Management na igwang nagkapirang miyembro ninda an nairido huli sa dakula kan kalayo.

Nagin pasakitan an pag-apula ninda huli sa kusog kan duros sa lugar. Pigreport man kan Department of Emergency Management sa Oklahoma an pangkabilogang kalayo sa parte kan Beaver, Texas asin Woodward counties.

Pirang ribong hektarya kan kadagaan an natupok kan kalayo sa parte kan Kansas asin Oklahoma.

Nagtarabangan na man an nagkapirang mga bumbero gikan sa manlaen-laen na estado tanganing dagusang matutom an kalayo.