Nagsunad nin rekomendasyon an nagkapirang transport groups sa Department of Transportation (DOTr) dapit sa padagos na pagbiyahe kan iconic na traditional jeepney.
Kasunod na man ini sa pagtugot ni Presidente Ferdinand Marcos Jr., na an mga nag-consolidate na PUV operators an magkaigwa nin option na magpa-rehabilitate.
Sa saindang surat ki DOTr Secretary Jaime Bautista, pigtawan duon kan League of Transport operators na dapat an nagkapirang rekomendasyon sa gigibuhong pagtugot sa padagos na operasyon kan traditional jeepneys.
Sigun sa grupo, dapat magtinir an tradisyonal na lawas kan mga traditional na jeepney na panalmingan sa Philippine culture.Ini an sa kondisyon na an mga chassis an nasa marhay na kondisyon pa asin an makina an kinakaiupuhan na euro4 o euro 5 compliant.
Kinakaipuhan man na magsairarom an mga ini sa intensive inspection kan Motor Vehicle Inspection Center kan LTO.
An langkaw asin laba kan mga traditional jeep an susog sa PNS compliance.Sa naging diyalogo kan mga transport groups ki Presidente Marcos, planong pondohan an rehabilitation program tanganing magin magian an gastuson kan mga driver asin operator.
