Nagpaliwanag si Presidente Ferdinand ‘Marcos Jr. kun tano nahaluyan ini na tulos ipautob an saiyang nagin campaign promise na P20 kada kilo nin bagas.
Sa nagin patara-tara kan Presidente sa One Cebu rally, sinaysay kaini na kaipuhan kan gobyerno na magtao paramientras nin tabang sa mga lokal na gobyerno kabali na an probisyon kan makinarya.
Si Presidente Marcos, nagsirbi komo Agriculture chief sa puon pa sana kan saiyang pagkapresidente, na kun saen nagtutubod na mas makusog an agricultural sector ngunyan. Haloy nang pighahangad kan Presidente na maisakatuparan an saiyang nasambitan ng campaign promise na bawasan an presyo nin bagas nin hasta sa P20 kada kilo.
Nakasalalay an saiyang aspirasyon sa pag-papakarhay kan ‘value chain’ o serye nin mga yugto na imbwelto sa pagpo-produce nin produkto o serbisyo na pinapabakal, sa kada man yugto kan pagdadagdag sa kantidad nin produkto o serbisyo.
Sa ibong na lado, nagdesisyon man an Department of Agriculture (DA) na paramientras ipauntok an pagpapabakal kan P20 kada kilo ng bagas sa laog nin 10 aldaw komo paggalang sa ayuda ban sa tahaw man kan panahon nin eleksyon.
Pigpautob kan Commission on Elections (Comelec) an “ayuda ban” na nagbabawal sa pagheheras nin ayuda magpuon Mayo 2 hasta sa aldaw nin halalan sa Mayo 12, 2025. Pighurot ni Garcia kan nakalihis na Sabado, Abril 27, na ipinagbabawal an ano man na distribusyon kan ayuda sa laog kan sampulong aldaw antes an halalan.
Pigbali ni Garcia sa pagbabawal an Assistance to Individuals in Crisis Situations (AICS), Tulong Panghanapbuhay sa Ating Disadvantaged/Displaced Workers (TUPAD), Pantawid Pamilyang Pilipino Program (4Ps), asin man Ayuda para sa Kapos ang Kita Program (AKAP).
Nagpatanid man an Comelec na an siisay man na mabalgar asin meheras nin ayuda sa pigtalaan na panahon an maatubang sa kaso asin posibleng makulong nin saro hasta sa anom na taon, basado pa sa Omnibus Election Code.
