Namemeligro na liwat na maglala an helang na AIDS sa bilog na kinaban huli sa biglaang pag-untok kan pinansyal na tabang gikan sa US. Ini an sigun sa UNAIDS executive director na si Winnie Byanyima.
Kun dae soboot maibe-bwelta an pondo o makahanap nin ibang suporta, pwedeng maglangkaw nin nasa 6.3 milyon an numero kan mga nagagadan sa AIDS sa laog kan apat na taon.
An US, na dating pinakadakulang donor nin tabang sa AIDS, an nagbawas nin pondo sa irarom kan administrasyon ni Presidente Donald Trump.
Huli digde, naapektaran an pagbulong sa HIV sa 27 nasyon sa Africa asin Asya, kaibahan an kakulangan kan personahe, pagsusuri asin mga surveillance system.
Mientrastanto, pig-omaw ni Byanyima an PEPFAR, sarong US programang nakapagsalbar nin 26 milyong buhay asin pigtawan-duon an bagong bulong na lenacapavir na igwang 100% bisa kontra sa HIV.
Pig-enkaminar man kaini si Trump na ibwelta an pondo huli ta apwera sa pagsalbar nin buhay makakatabang ini sa ekonomiya kan Amerika
