NAGA CITY – Tinatayang aabot sa P102,000.00 ang halaga ng shabu na nakumpiska sa isang mekaniko sa isinagawang buy bust operation sa Purok Masagana Barangay Cotta, Lucena City.
Kinilala ang suspek na si Richard Ong, 38-anyos, residente ng nasabing lugar.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na nakabili sa suspek ang nagpanggap na poseur buyer ng isang pirasong heat-sealed transparent plastic sachet ng pinaniniwalaang shabu kapalit nang P500.00.
Maliban dito, nakumpiska rin sa suspek ang lima pang piraso ng heat-sealed transparent plastic sachet na naglalaman ng pinaniniwalaang shabu.
Sa kabuuan, tinatayang aabot sa limang gramo ang timbang ng nasabing mga nakumpiskang droga.
Sa ngayon, nasa kustodiya na ng mga awtoridad ang suspek para sa karampatang disposisyon.
