NAGA CITY- Aabot sa P15,000 ang halaga ng shabu na nasamsam ng mga awtoridad sa isang lalaki sa isinagawang buybust operation sa Zone 2 Sta. Cruz, Naga City.
Kinilala ang suspek na si Dominador Inocalla a.k.a UYA, 46-anyos residente ng Zone 3, Sta Cruz sa nasabing lungsod.
Sa nakalap na impormasyon ng Bombo Radyo Naga sa Naga City Police Office, nabatid na naarestar si Uya matapos na makabili ang pulis na umaktong posuer buyer ng isang pakete ng hinihinalang shabu sa halagang P14,500.
Sa ginawang body search sa suspek, narekober pa sa posisyon nito ang isang kalibre 38 na revolver at tatlong bala sa loob ng cylinder.
Samantala, nabatid pa tinuturing ang suspek na Top 2 regional level ng illegal drugs watchlist sa nasabing lalawigan.
Sa ngayon, nasa kustodiya na ng mga awtoridad ang suspek para sa karampatang disposisyon.
